Qətər, Küveyt və Bəhreyn hava məkanı uçuşlarına qoyulan məhdudiyyətləri aradan qaldırır
Bu gün, 08:58. Yazar: sevinc1
Qətər Xəbər Agentliyinin verdiyi məlumata görə, Qətər İranın Əl-Udeyd aviabazasına raket zərbəsi endirməsindən bir müddət əvvəl bağlanmış hava məkanında uçuşlara qoyulan məhdudiyyətləri aradan qaldırıb.
"Mülki Aviasiya İdarəsi Qətərin hava məkanında hava hərəkətinin bərpa olunduğunu elan edib. Müvafiq orqanlarla razılaşdırılaraq lazımi tədbirlərin həyata keçirilməsindən sonra vəziyyət normallaşıb", - məlumatda deyilir.
Qətərin hava məkanı təxminən 4,5 saat bağlanıb. İranın Qətərə raket atmasından sonra Bəhreyn və Küveyt də hava məkanlarını bağlayıb. BƏƏ səlahiyyətliləri uçuş məhdudiyyətlərini rəsmi olaraq elan etməyiblər; lakin Flightradar xidməti ölkənin hava məkanının mülki aviasiya üçün faktiki olaraq bağlı olduğunu bildirdi.
Yerli vaxtla saat 22:30 radələrində (Moskva vaxtı ilə üst-üstə düşür) Bəhreyn və Küveyt uçuş məhdudiyyətlərini ləğv edib. Dubay hava limanları da qısa fasilədən sonra fəaliyyətini bərpa etdiyini açıqlayıb. Eyni zamanda, əmirlik hökumətinin mətbuat xidməti bəzi uçuşların təxirə salına və ya ləğv oluna biləcəyi barədə xəbərdarlıq etdi.
aia.az
Tərcümə şöbəsi
Geri dön