Netanyahu müvəqqəti atəşkəsə razılaşmağa hazır olduğunu açıqlayıb
Dünən, 22:03. Yazar: sevinc1
İsrail girovların azad edilməsi üçün Fələstinin Həmas hərəkatı ilə razılaşmanın bir hissəsi olaraq Qəzza zolağında atəşi müvəqqəti dayandırmağa hazır olacaq. TASS xəbər verir ki, bunu yəhudi dövlətinin baş naziri Benyamin Netanyahu deyib.
O, həmçinin qeyd edib ki, HƏMAS bütün girovları azad edib anklavı tərk edərsə, İsrail Qəzzada hərbi əməliyyatları dayandırmağa hazırdır.
Mayın 19-da Netanyahu bildirib ki, İsrail bütün Qəzza zolağına nəzarət edəcək və HƏMAS-ın “humanitar yardımı talamasına” imkan verməyəcək.Mayın 18-də İsrail Müdafiə Qüvvələri (IDF) Gideonun arabaları əməliyyatı çərçivəsində Qəzza zolağında genişmiqyaslı quru əməliyyatlarına başlayıb. İsrail ordusunun bəyanatında deyilir ki, aksiyalar “Qəzzada yerləşən terror təşkilatlarına” qarşı yönəlib.
İsrail ordusunun hərəkətləri Həmas-ın yanvarın 19-dan qüvvədə olan atəşkəs zamanı girovları azad etmək və onun müddətinin uzadılmasına dair Amerika planını rədd etməsinə cavab olub.
Həmin gün ABŞ prezidentinin xüsusi elçisi Steve Witkoff İsrail və HƏMAS-a Qəzza zolağında atəşkəs razılaşmasının yenilənmiş variantını təklif edib.
Axiosun sözlərinə görə, sənəd Fələstin hərəkatına Netanyahunun bu ilin martında olduğu kimi birtərəfli qaydada atəşkəs rejiminə son qoya bilməyəcəyinə və münaqişəni bərpa edə bilməyəcəyinə zəmanət verir. Təşəbbüs həmçinin 45-60 günlük atəşkəs müqabilində 10 israilli girovun azad edilməsini, həmçinin fələstinli məhbusların azad edilməsini nəzərdə tutur.
aia.az
Tərcümə şöbəsi
Geri dön