İspaniyada öldürülən müşavir Mirotvorets saytının siyahısında tapılıb
21-05-2025, 18:57. Yazar: sevinc1
Ukraynanın keçmiş prezidenti Viktor Yanukoviçin İspaniyada öldürülən keçmiş müşaviri Andrey Portnovun adı Ukraynanın “Mirotvorets” saytının siyahısında tapılıb. Bu məlumatı RİA Novosti yayıb.Mənbənin sözlərinə görə, həmin şəxsin adı “dövlətə xəyanət” iddiası ilə siyahıya salınıb. Bundan əlavə, o, guya Ukrayna vətəndaşlarının qətlinə çağırışda ittiham olunur.
“Sülhməramlı” saytı Ukrayna hakimiyyətinin milli təhlükəsizliyə təhdid hesab etdiyi insanların şəxsi məlumatlarını dərc etməklə tanınır. Yada salaq ki, Yanukoviçin keçmiş müşaviri bu gün səhər saatlarında İspaniyanın Madrid əyalətinin Pozuelo de Alarkon şəhərində Amerika məktəbinin yaxınlığında güllələnib. “El Pais” qəzetinə görə, birdən çox hücumçu olub – iki və ya üç nəfər var idi. Portnov həmin vaxt maşını idarə edirdi və başından güllə də daxil olmaqla ən azı üç güllə yarası alıb.
Hücum edənlər hadisə yerindən qaçıblar. Polis hələlik şübhəliləri saxlamayıb və onların şəxsiyyətini müəyyənləşdirməyib.
Əvvəllər yazmışdıq ki, Portnov iki səbəbdən öldürülə bilərdi.
aia.az
Tərcümə şöbəsi
Geri dön