Polisi satın almaq istəyən azərbaycanlı saxlanıldı
24-06-2015, 09:45. Yazar: admin
Rusiyada.
Peterburq polisi 600 min rubl (11 700 man. – red.) məbləğində rüşvətdən imtina edib.
Aia.az Rusiya KİV-nə istinadən xəbər verir ki, 37 yaşlı Azərbaycan vətəndaşı Nevski rayonunun DİN İdarəsinin rəisinə içində pul olan sənəd qovluğu ilə yaxınlaşıb.
O, bu yolla qanunsuz qiymətli metal külçələrinə dair işin xətm edilməsinə nail olmaq istəyirdi. Polis əməkdaşı puldan imtina edərək rüşvətxorluğa qarşı mübarizə şöbəsinə müraciət edib.
İstintaq Komitəsi Rusiya Federasiyası CM-nin 291-ci maddəsi - “Vəzifəli şəxsə rüşvət verməyə cəhd” ilə cinayət işi açılıb. Şübhəli bilinən şəxs saxlanılıb.
Qeyd edilir ki, saxlanılan şəxs özünü həmvətənlərinin diasporasında avtoritet kimi qələmə verib.
Geri dön