Milli Məclisin deputatları NATO PA-nın sessiyasında iştirak edəcəklər
Dünən, 16:22. Yazar: azer
Milli Məclisin deputatları - NATO Parlament Assambleyasındakı nümayəndə heyətinin rəhbəri Ramid Namazov və nümayəndə heyətinin üzvü Tahir Mirkişili NATO PA-nın yaz sessiyasında iştirak etmək üçün mayın 21-də ABŞ-nin Ohayo ştatının Dayton şəhərinə səfər edəcəklər.
Bu barədə aia.az-a Milli Məclisin Mətbuat və ictimaiyyətlə əlaqələr şöbəsindən məlumat verilib.
Sessiya çərçivəsində seçkilərin kibertəhlükəsizliyinin gücləndirilməsi, transatlantik tərəfdaşlığa çağırış, cari və gələcək təhdidlərlə mübarizə, Dayton sazişlərinin imzalanmasının 30 illiyi, NATO və avtoritar ölkələrin birləşən bloku və digər mövzularda müzakirələr aparılacaq.
Səfər mayın 29-da başa çatacaq.
Geri dön