Belarusun ÜDM-i dörd ayda 2,8% artıb
Dünən, 23:07. Yazar: sevinc1
Belarus, 2040-cı ilə qədər Milli İnkişaf Strategiyasının layihəsinə görə adambaşına düşən ÜDM-ə görə ilk 50 ölkə sırasına daxil olmağı hədəfləyir.
Bu ilin yanvar-aprel aylarında Belarusun ümumi daxili məhsulu 2,8% artıb, Belstat xəbər verir.Bildirilir ki, yanvar-aprel ayları üzrə ÜDM-in ilk qiymətləndirilməsi aparılıb. Ümumi daxili məhsulun həcmi cari qiymətlərlə 81,4 milyard rubl təşkil edib, “...və ya müqayisəli qiymətlərlə 2024-cü ilin yanvar-aprel aylarının səviyyəsinin 102,8 faizini təşkil edib”, hesabatda deyilir.
Bildirilib ki, 2025-ci ilin yanvar-aprel aylarında ÜDM deflyator indeksi ötən ilin müvafiq dövrü ilə müqayisədə 106,6% təşkil edib.
İİB analitiklərinin proqnozlarına görə, 2025-ci ilin sonuna respublikanın ÜDM-i 2,6% arta bilər, 2026-cı ildə bu göstəricinin artımı 1,9%, 2027-ci ildə isə 1,5% təşkil edəcək.
Bununla belə, 2040-cı ilə qədər Milli İnkişaf Strategiyasının layihəsinə əsasən, Belarus adambaşına düşən ümumi daxili məhsulun həcminə görə ilk 50 ölkə sırasına daxil olmağı qarşısına məqsəd qoyub.
aia.az
Tərcümə şöbəsi
Geri dön