Bloomberg: NATO sammitində əsas diqqət Ukraynaya yönəlməyəcək
Dünən, 13:01. Yazar: sevinc1
İyunun 24-ü və 25-də Haaqada keçiriləcək NATO sammitinin iştirakçıları Ukraynanın alyansa üzvlüyündən çox, hərbi xərclərin artırılması və hərbi istehsalın artırılması məsələsinə diqqət yetirəcəklər. Bu barədə mənbələrə istinadən Bloomberg məlumat yayıb.
Onların fikrincə, sammit əvvəlki görüşlərdən daha qısa olacaq və onun nəticəsi qısa bəyannamə olacaq.
Agentliyin məlumatına görə, NATO-ya üzv ölkələr ABŞ prezidenti Donald Trampın tələblərini yerinə yetirmək üçün 2032-ci ilə qədər müdafiə xərclərini ÜDM-in 5%-ə çatdırmağa çalışır. Bu planlar hərbi blokun xarici işlər nazirlərinin çərşənbə və cümə axşamı Türkiyədə keçiriləcək görüşündə müzakirə olunacaq. Agentlik vurğulayır ki, indiyədək alyansın 32 üzvündən heç biri, o cümlədən ABŞ bu həddə çatmayıb. NATO-nun baş katibi Mark Rutte təşkilatın üzvlərinə hərbi xərcləri ÜDM-in 3,5%-nə qədər artırmağı və müdafiə ilə bağlı digər maddələrə daha 1,5%-ni xərcləməyi təklif edir. Agentlik qeyd edir ki, onun planı müntəzəm yoxlama mexanizmi ilə müşayiət olunur .NATO-nun ÜDM-in 3,5%-lik yeni hədəfi alyansın müdafiə qabiliyyətini gücləndirmək planlarına əsaslanır.
aia.az
Tərcümə şöbəsi
Geri dön