Media: Litva Vuçiçin təyyarəsinin mayın 9-da Rusiyaya uçmasını qadağan edib
Dünən, 22:02. Yazar: sevinc1
Serbiyanın “Veçerne Novosti” qəzeti mənbəyə istinadən xəbər verir ki, Litva Qələbənin 80-ci ildönümünü qeyd etmək üçün Rusiyaya gedən Serbiya prezidenti Aleksandr Vuçiçin təyyarəsinin öz hava məkanından uçuşunu qadağan edib.
Portalın məlumatına görə, Litva hakimiyyəti imtinanın rəsmi səbəbi kimi “texniki və diplomatik həssaslıqları” göstərib. Oxşar məhdudiyyətlər əvvəllər Litva hakimiyyəti tərəfindən Slovakiyanın baş naziri Robert Fikoya da tətbiq edilmişdi.
Vuçiçin Moskvaya səfəri mayın 9-na planlaşdırılıb və o, Rusiya prezidenti Vladimir Putinlə danışıqlar aparmağı planlaşdırır.
Rusiya liderinin köməkçisi Yuri Uşakovun verdiyi məlumata görə, görüş zamanı ikitərəfli əməkdaşlıq məsələləri, eləcə də Balkanlardakı mövcud vəziyyət müzakirə olunacaq, Radio Toçka NSN xəbər verir.
aia.az
Tərcümə şöbəsi
Geri dön