Peruda bir həftə əvvəl qaçırılan 13 mədənçinin cəsədi tapılıb
Bu gün, 10:08. Yazar: sevinc1
Perunun şimalında qanunsuz mədənçiliklə əlaqəsi olan silahlı qrup tərəfindən bir həftə əvvəl oğurlanan 13 şaxtaçının cəsədi tapılıb.
Yerli mətbuatın məlumatına görə, Pataz vilayətinin La Libertad bölgəsində tapılan cəsədlərin əlləri bağlı və başlarına bir güllə ilə vurularaq öldürüldüyü müəyyən edilib.
Pataz Bələdiyyə Başçısı Aldo Karlos Marino verdiyi açıqlamada hücumu şiddət və nifrətlə qınayıb və məsuliyyət daşıyanların tez bir zamanda tutulmasını istəyib.
Mədənçilərin işlədiyi şirkətdən verilən açıqlamada onlar Peru hökumətini təhlükəsizlik tədbirlərini artırmağa çağırıblar.
"Biz qeyri-qanuni mədənçiliklə əlaqəli cinayətkarlar tərəfindən vəhşicəsinə qətlə yetirilən 13 nəfərin ailələri ilə həmrəyik. Belə dəhşətli itkiyə görə dərin hüznümüzü bildiririk", - bəyanatda deyilir. ifadələrdən istifadə edilmişdir.
Peru Milli Polisi hadisə ilə bağlı genişmiqyaslı əməliyyata başlanıldığını açıqlayıb.
Peru hökuməti qanunsuz cinayət təşkilatlarına qarşı mübarizə çərçivəsində ötən il Pataz əyalətində fövqəladə vəziyyət elan edib.
Dünyanın aparıcı qızıl istehsalçıları arasında olmasına baxmayaraq, Cənubi Amerika ölkəsi Peru qeyri-qanuni mədənçilik və mütəşəkkil cinayətkarlıqla mübarizədə ciddi problemlərlə üzləşir.
aia.az
Tərcümə şöbəsi
Geri dön