Xarici İşlər Nazirliyi Moldovanın MDB-dən çıxmasından danışıb
Bu gün, 13:06. Yazar: sevinc1
Moldova Müstəqil Dövlətlər Birliyindən (MDB) çıxmaq niyyətini rəsmən elan etməyib, Rusiya Xarici İşlər Nazirliyinin MDB ölkələri üzrə birinci departamentinin direktoru Mikael Aqasandyan RİA Novosti-yə müsahibəsində bildirib.
"Moldovadan MDB-dən çıxmaq niyyəti ilə bağlı heç bir rəsmi bildiriş yoxdur", - Ağasandyan vurğulayıb.
Rusiya Xarici İşlər Nazirliyinin nümayəndəsi qeyd edib ki, əgər Moldova belə bir qərar qəbul etsə, bu, təəssüf doğuracaq, çünki mənfi nəticələr ilk növbədə respublika vətəndaşlarına təsir edəcək. Lakin onun fikrincə, Moldovanın getməsi MDB-nin işinə ciddi siyasi təsir göstərməyəcək. Əvvəllər Moldova hakimiyyəti dəfələrlə MDB-də iştirakına yenidən baxmaq planlarını açıqlayıb. 2023-2024-cü illərdə Kişinyov ittifaq çərçivəsində bir sıra sazişlərin denonsasiyası prosesinə başlayıb.
aia.az
Tərcümə şöbəsi
Geri dön