Kaliforniyada zəlzələ baş verib
14-04-2025, 22:06. Yazar: sevinc1
Kaliforniyada 5,2 bal gücündə zəlzələ baş verib. RİA Novosti bu barədə ABŞ Geoloji Xidmətinə (USGS) istinadən xəbər verir.Qeyd olunur ki, yeraltı təkanlar San Dieqo şəhərindən 59 kilometr, Palm-Sprinqsdən isə 87 kilometr aralıda qeydə alınıb. Seysmoloqların məlumatına görə, yeraltı təkanların mənbəyi 13,4 kilometr dərinlikdə yerləşib. Eyni zamanda, əvvəlcə 6 bal olduğu bildirilsə də, sonradan 5,2-yə endirilib.
Zəlzələ başa çatdıqdan sonra maqnitudası 2,5-3,5 arasında dəyişən daha səkkiz afterşok qeydə alınıb. Ölən və yaralananlar barədə məlumat verilmir.
Bundan əvvəl Tacikistanda iki gündə beşinci zəlzələ baş verib.
aia.az
Tərcümə şöbəsi
Geri dön