Ağsu aşırımında torpaq sürüşməsi, yol bağlandı - FOTO
6-02-2017, 13:16. Yazar: Sevinc
Bakı-Şamaxı-Yevlax avtomobil yolunun Ağsu dolaylarından keçən hissəsinin 149-cu km-də torpaq sürüşməsi aktivləşib.
"Azəravtoyol" Açıq Səhmdar Cəmiyyətinin mətbuat xidmətinin rəhbəri Anar Nəcəfli bildirib ki, sürüşmə sahəsi 40 metrədək ərazini əhatə edir və sözügedən hissədə yol 40-50 sm çöküb.
A.Nəcəfli qeyd edib ki, sürüşmə qeydə alınan hissənin bərpası üçün əraziyə “Azəravtoyol” ASC-nin texnikası və canlı qüvvəsi cəlb olunub.
"Avtonəqliyyat vasitələrinin təhlükəsiz hərəkətini təmin etmək məqsədi ilə həmin hissədə hərəkət məhdudlaşdırılaraq, ərazidəki alternativ yola yönəldilib".
Geri dön