Szijarto: Macarıstanın Rusiyaya qarşı sanksiyalarla bağlı mövqeyi geosiyasətdən asılıdır
8-04-2025, 20:43. Yazar: sevinc1
Anti-Rusiya sanksiyalarının uzadılması ilə bağlı Aİ-nin növbəti səsverməsində Macarıstanın mövqeyi geosiyasi vəziyyətdən asılı olacaq. Bu barədə Macarıstanın xarici işlər və iqtisadi əlaqələr naziri Peter Szijarto Bloomberg-ə müsahibəsində bildirib.
“Qərarımız əsasən geosiyasi şəraitdən asılı olacaq”, o, müvafiq suala cavab verib.
Szijjarto qeyd edib ki, Budapeşt sanksiyalarla bağlı növbəti qərarını verməzdən əvvəl Vaşinqtonun münaqişənin həlli üzrə səylərinin nə qədər uğurlu olduğunu görəcək.
O, həmçinin münaqişənin bütün tərəflərinin sülhə sadiqliyinə ümid etdiyini bildirib.
Bundan əvvəl Szijarto bildirib ki, Macarıstan heç vaxt Ukraynanın NATO-ya üzvlüyünü dəstəkləməyəcək.
aia.az
Tərcümə şöbəsi
Geri dön