Holand üçün mövsüm başa çatdı
1-04-2025, 09:25. Yazar: sevinc1
"Mançester Siti"nin hücumçusu Erlinq Holand mövsümün qalan hissəsində meydana çıxa bilməyəcək.
aia.az xəbər verir ki, norveçli forvard İngiltərə Kubokunun 1/4 finalında "Bornmut"la qarşılaşmada ayaq biləyindən zədələnib.
2:1 hesabı ilə başa çatan görüşün 61-ci dəqiqəsində əvəzlənən Holand stadionu əsanın köməyi ilə tərk edib.
Buna baxmayaraq, ulduz futbolçunun iyunun 15-də start götürəcək Klublararası Dünya Çempionatında oynayacağı gözlənilir.
Qeyd edək ki, Erlinq Holand bu mövsüm bütün turnirlərdə 40 oyuna çıxaraq 30 qol vurub və 4 məhsuldar ötürmə edib.
aia.az
Geri dön