Bakıda yaşayış olan evi qanunsuz sökdülər
27-03-2025, 14:20. Yazar: sevinc1
Bakıda tikinti şirkəti yaşayış olan evləri sökməyə başlayıb.
aia.az xəbər verir ki, görüntülər sosial şəbəkədə paylaşılıb.
Bildirilib ki, bu gün “Melissa Group” tikinti şirkəti Yasamal rayonu Birinci Alatava massivi Abdulvahab Salamzadə küçəsi 118B ünvanında söküntü işləri aparır.
Söküntü zamanı daxilində yaşayış olan evlər də ekskavator vasitəsilə dağıdılıb.
Fövqəladə Hallar Nazirliyindən verilən açıqlamada qeyd olunub ki, “112” qaynar telefon xəttinə Bakı şəhəri, Yasamal rayonu ərazisində vətəndaşın dağıntı altında qalması barədə məlumat daxil olub və dərhal FHN-in xilasediciləri əraziyə cəlb edilib.
Əməliyyat şəraiti qiymətləndirilərkən, dağıntı altında qalanın olmadığı müəyyən edilib.
Geri dön