Orta məktəbdə dərs zamanı tavanın suvağı çökdü: Xəsarət alanlar var...
17-03-2025, 22:00. Yazar: sevinc1
Əskişəhərdə liseydə səhər saatlarında dərs zamanı tavanın gipsi çöküb. Hadisə nəticəsində 4 şagird yaralanıb.Hadisə saat 11.10 radələrində Yıldıztəpə məhəlləsi Bülbülcük küçəsində yerləşən Yunusemre Sənaye və Texniki Anadolu Liseyində baş verib. Əldə edilən məlumata görə, sinif otağında dərs keçərkən tavandakı gips qəfildən şagirdlərin üzərinə düşüb. Hadisə nəticəsində 4 şagird başlarından və bədənlərinin müxtəlif nahiyələrindən aldığı zərbələr nəticəsində xəsarət alıb. Şagirdlərə ilk müdaxilə edən müəllimlər olub.
Xəbər verildikdən sonra hadisə yerinə 112 Təcili Xidmət qrupu göndərilib. Yaralı tələbələrdən 2-si Yunusemre Dövlət Xəstəxanasına, 2-si isə Əskişəhər Osmanqazi Universiteti (ESOGÜ) Tibb Fakültəsi Xəstəxanasına sövq edilib. Yaralı tələbələrin ümumi sağlamlıq vəziyyətinin yaxşı olduğu öyrənilərkən, polis qrupları hadisə ilə əlaqədar araşdırma başlatdı.
Mövzuyla əlaqədar Eskişehir İl Milli Təhsil Müdirliyi səlahiyyətliləri şərh etdi. Açıqlamada hadisənin temperatur fərqi səbəbindən baş verdiyi bildirilib. Məktəbdə təlim-tərbiyə işlərinin dayandırılmayacağı da bildirilib.
aia.az
Tərcümə şöbəsi
Geri dön