Havanın temperaturu 20 dərəcəyə çatıb, Antalyada çimərliklər dolub
Dünən, 15:49. Yazar: sevinc1
Antalyada termometrlər 20 dərəcəni göstərincə isti havadan istifadə edənlər Konyaaltı çimərliyinə axın edib. Kimisi sahildə gəzib idman edir, kimisi dənizdən, qumdan və günəşdən həzz alırdı.
Hava istiliyinin 20 dərəcəyə, dəniz suyunun istiliyinin isə 18 dərəcəyə çatdığı Antalyada rütubət nisbəti yüzdə 56 olaraq ölçüldü. Mart ayında havanın temperaturunun yüksəlməsindən istifadə edən şəhər sakinləri, yerli və xarici turistlər Konyaaltı çimərliyinə axın edib. Bəziləri yaya bənzəyən çimərlikdə gəzib idman edərkən, bəziləri Aralıq dənizinin sərin sularında çimdi. Ailəsi ilə birlikdə çimərliyə gələnlər yaşıllıqlarda oturub vaxt keçirirdilər. Həftə içi olmasına baxmayaraq, çimərlik izdihamlı idi.
Meteorologiyanın 5 günlük hava proqnozu hesabatına görə, yaxın 4 gündə havanın temperaturu daha da artacaq. Havanın temperaturunun çərşənbə günü 19, cümə axşamı 20, cümə günü 25, şənbə günü 26, bazar günü isə 25 dərəcəyə çatacağı gözlənilir.
aia.az
Tərcümə şöbəsi
Geri dön