Rubio ABŞ və Ukrayna arasında əlaqələrin bərpasını şərt adlandırıb
Dünən, 09:40. Yazar: sevinc1
ABŞ dövlət katibi Marko Rubio bildirib ki, Kiyev sülhə hazır olduğunu nümayiş etdirən kimi Vaşinqton Ukrayna ilə təmasları bərpa etməyə hazırdır. Onun sözlərini ABC telekanalı sitat gətirir.
O qeyd edib ki, Ağ Ev “Ukrayna sülhə hazır olduqda qarşılıqlı fəaliyyəti bərpa etməyə hazır olacaq və ABŞ prezidentinin qarşısına məqsəd qoyduğu açıqdır”. Dövlət katibi Rusiyanın danışıqlara cəlb edilməsinin vacibliyinə də işarə edib.
“Burada heç kim Vladimir Putinin Nobel Sülh Mükafatını alacağını iddia etmir <...> Biz öyrənməliyik - onları müharibəni dayandırmağa məcbur etməyin bir yolu varmı? Və bunun yeganə yolu rusları danışıqlara cəlb etməkdir”, - Rubio bildirib.
Fevralın 27-də Rusiya prezidenti Vladimir Putin Rusiya Federasiyası Federal Təhlükəsizlik Xidmətinin kollegiyasının iclasında iştirak edib və bu iclasda ABŞ-ın yeni administrasiyası ilə ilk əlaqələri dəyərləndirib. Onun dediyi kimi, Moskva ilə Vaşinqton arasında dialoqun bərpası “bəzi ümidlər verir”.
aia.az
Tərcümə şöbəsi
Geri dön