İsrail: Daha çox məhbus azad edilərsə, atəşkəs müddətini uzatmağa hazırıq
Dünən, 21:34. Yazar: sevinc1
İsrailin xarici işlər naziri Gideon Saar daha çox məhbusun azad edilməsi müqabilində Qəzzada atəşkəsin birinci mərhələsini uzatmağa hazır olduqlarını bəyan edib.
İsrailin xarici işlər naziri Gideon Saar daha çox məhbusun azad edilməsi müqabilində Qəzza zolağında atəşkəs razılaşmasının birinci mərhələsini uzatmağa hazır olduqlarını açıqlayıb.
İsrailin Kanal 12 televiziyasının məlumatına görə, Saar Qərbi Qüdsdə Çexiyanın xarici işlər naziri Yan Lipavski ilə mətbuat konfransı keçirib.
Mətbuat konfransında Qəzzada atəşkəs razılaşmasına işarə edən Saar, daha çox israilli məhbusun sərbəst buraxılması müqabilində razılaşmanın birinci mərhələsinin müddətini uzatmağa hazır olduqlarını bildirib.
Saar deyib ki, bu gün Misirin paytaxtı Qahirəyə gedəcək İsrail danışıqlar qrupu geri qayıtdıqdan sonra bu məsələni ətraflı müzakirə etmək daha yaxşıdır.
İsrailin xarici işlər naziri Saar bəyan edib ki, İsrailin danışıqlar qrupu Qahirədə daha çox əsir əsgərin azad edilməsi müqabilində sazişin birinci mərhələsinin uzadılması üçün ümumi əsasların tapılması imkanını müzakirə edəcək.
İsrail dövlət televiziyası KAN, adının açıqlanmasını istəməyən bir İsrail rəsmisinə əsaslanan hesabatında bu gün Qahirəyə yola düşəcək danışıqlar heyətinin əsas məqsədinin "1 mart şənbə günü canlı girovların azad edilməsini təmin etmək" olduğunu bildirib.
aia.az
Tərcümə şöbəsi
Geri dön