Milli Məclisin Hesablayıcı komissiyasının sədri, QDİƏTPM nümayəndə heyətimizin rəhbəri Eldar Quliyev Türkiyəyə səfər edəcək
Bu gün, 14:54. Yazar: sevinc1
Milli Məclisin Hesablayıcı komissiyasının sədri, Qara Dəniz İqtisadi Əməkdaşlıq Təşkilatı Parlament Məclisində (QDİƏTPM) nümayəndə heyətimizin rəhbəri Eldar Quliyev bu qurumun Daimi komitəsinin xüsusi iclasında iştirak etmək üçün fevralın 26-da Türkiyə Respublikasının İstanbul şəhərinə səfər edəcək.
Bu barədə aia.az-a Milli Məclisin Mətbuat və ictimaiyyətlə əlaqələr şöbəsindən məlumat verilib.
Tədbir çərçivəsində “Tərəfdaşlıq münasibətlərinin gücü: mövcud əməkdaşlığın nəticələrinin qiymətləndirilməsi və gələcək imkanların nəzərdən keçirilməsi” mövzusunda müzakirələr aparılacaq, millət vəkili Eldar Quliyev mövzu ilə bağlı çıxış edəcək.
Səfər fevralın 28-də başa çatacaq.
Geri dön