İraq əhalisinin sayı açıqlanıb
Bu gün, 13:54. Yazar: sevinc1
İraq əhalisinin 46 milyon 118 min nəfər olduğu bildirilib.
İraqın rəsmi agentliyi olan İNA-nın xəbərinə görə, Planlaşdırma Nazirliyi apardığı son siyahıyaalmanın yekun nəticələrini açıqlayıb.Bildirilib ki, şəhərlərdə yaşayanların sayı 70,17 faiz olduğu halda, kənd yerlərində yaşayanların nisbəti 29,83 faiz təşkil edib.
Bildirilib ki, İraqda 5 yaşa qədər olanların nisbəti 11,16 faiz, 5-14 yaşlıların nisbəti 24,7 faiz, 15-64 yaşlıların nisbəti 60,44 faiz, 65 və yuxarı yaşda olanların nisbəti isə 3,66 faizdir.
Əhalinin ailə vəziyyətinə görə bölgüsü aşağıdakı kimi verilmişdir: subayların nisbəti 41,6 faiz, evlilərin nisbəti 54,01 faiz, boşananların nisbəti 1,28 faiz, dul qadınların nisbəti 2,8 faiz, ayrı yaşayanların nisbəti 0,24 faizdir.
20 noyabr 2024-cü ildə İraqda ümumi əhalinin siyahıyaalınması keçirilib.
aia.az
Tərcümə şöbəsi
Geri dön