UNICEF: Ukraynada hər beşinci uşaq münaqişə başlayandan bəri qohumunu və ya dostunu itirib
Dünən, 18:36. Yazar: sevinc1
UNICEF-in cümə günü dərc etdiyi hesabata görə, Ukraynada hər beşinci uşaq Rusiya Federasiyası ilə münaqişənin başlanğıcından bəri qohumunu və ya dostunu itirib.
UNICEF-in icraçı direktoru Ketrin Rassel deyib: “Ukraynada uzun müddətdir ki, ölüm və dağıntı uşaqların həyatında daimi olub”.Onun sözlərinə görə, zorakılığın bu səviyyəsi böyük qorxu və iztirablara səbəb olur və uşağın həyatının bütün sahələrini pozur.
UNICEF bildirir ki, Rusiya-Ukrayna münaqişəsinin üçüncü ili uşaqlar üçün əvvəlki ilə nisbətən daha ölümcül olduğunu sübut etdi.2024-cü ildə qurbanların sayı 2023-cü illə müqayisədə 50 faizdən çox artıb. 2022-ci ilin fevralından bəri 2520-dən çox uşaq öldürülüb və ya yaralanıb.
“Əsl rəqəm çox güman ki, daha yüksəkdir, çünki bu rəqəmlər yalnız BMT tərəfindən təsdiqlənmiş uşaq itkilərini nəzərə alır. Son üç ildə 1600-dən çox təhsil müəssisəsi və 790-a yaxın tibb müəssisəsinin zədələndiyi və ya dağıdıldığı təsdiqlənib”, - məlumatda deyilir.Münaqişə uşaq və yeniyetmələri həyatlarının kritik mərhələlərində onların inkişafına və rifahına təsir edən böyük itkilər və çətinliklərlə üzləşdirmişdir.
“Uşaqlar beynəlxalq humanitar və insan hüquqları qanunlarına uyğun olaraq həmişə müharibənin təsirindən qorunmalıdır”, - Rassel bildirib.
O əlavə edib ki, Ukraynada uşaqların ən çox ehtiyacı olan şey davamlı sülh və öz potensiallarını reallaşdırmaq imkanıdır.
aia.az
tərcümə şöbəsi
Geri dön