İsrail və Səudiyyə Ərəbistanı arasında qarşıdurma
Dünən, 15:43. Yazar: sevinc1
ABŞ prezidenti Donald Trampın Qəzzalıları deportasiya etmək planı İsrail və Səudiyyə Ərəbistanı arasında normallaşma gündəmini sarsıdıb.Cəmi 4 ay əvvəl İsrailin baş naziri Benyamin Netanyahu BMT Baş Assambleyasında etdiyi çıxışında Səudiyyə Ərəbistanı ilə normallaşma sazişi imzalamaq arzusunu ifadə etmişdi. Lakin ABŞ prezidenti Donald Trampın Qəzzalıları deportasiya etmək planı ilə Təl-Əviv-Ər-Riyad xətti hər zamankından daha da gərginləşib.Zərif tarazlıqlara əsaslanan dolayı diplomatiya şifahi qarşıdurma ilə əvəz olundu.
Netanyahu Trampın Qəzza planına sərt reaksiya verən Ər-Riyada səslənərək, “Səudiyyə Ərəbistanı istəsə, öz torpağında Fələstin dövlətini qura bilər” deyib. Səudiyyə Ərəbistanının Netanyahuya reaksiyası dərhal oldu. Səudiyyə Ərəbistanı Xarici İşlər Nazirliyi belə bəyanatların İsrailin cinayətlərini ört-basdır etmək cəhdi olduğunu bildirib.
O, həmçinin Fələstin xalqının hüquqlarının heç vaxt itirilməyəcəyini və sülhün yalnız iki dövlətli həll yolu ilə əldə oluna biləcəyini bildirib.
aia.az
Tərcümə şöbəsi
Geri dön