Məşhur Məmmədov Masallıda seçiciləri qəbul edib
8-02-2025, 17:00. Yazar: sevinc1
Şənbə günümüzü seçici qəbulu ilə keçiririk. Seçicilərlə görüşümüz Masallı rayon Bədəlan Ərazi Dairəsinin Ağsaqqallar Evində baş tutdu. Qeyd edim ki, ərazi dairəsinə Dəmirçi, Aşurlu, Çayqırağı, Bədəlan kəndləri daxildir. Qəbul-görüşümüzdə növbəli 60 nəfər iştirak edirdi. Onlardan 11 nəfər müxtəlif məsələlərlə bağlı müraciət etdi. Bəziləri yerindəcə həllini tapdı. Digər seçicilərin istəklərini köməkçilərim qeydə aldı, səlahiyyətimiz çərçivəsində aidiyyəti yerlərlə həllinə çalışacaqlar.
Seçicilərin problemlərinin daha operativ həllinə nail olmaq üçün görüşdə Masallı rayonu Şəhid Ailələri və Qazilərlə İş şöbəsinin müdiri Qəşəm Hadıyev və Masallı Rayon Bədəlan kənd İnzibati Ərazi Dairəsi üzrə nümayəndəsi Mətanət Paşayeva iştirak edirdi.
Görüşlərimiz davam edir.
Məşhur Məmmədov
Milli Məclisin deputatı
Geri dön