"Veysəloğlu" daha 35 nəfər qazi əməkdaşını psixoloji yardıma cəlb etdi
Bu gün, 11:10. Yazar: sevinc1
Veysəloğlu Şirkətlər Qrupu, Birinci və İkinci Qarabağ Müharibələrində şücaət və qəhrəmanlıq göstərmiş veteran və qazi əməkdaşlarına dəstək olmaq məqsədilə "Sizə Minnətdarıq" layihəsi çərçivəsində silsilə tədbir və seminarların keçirilməsini davam etdirir.
Şirkətdə çalışan 500-dən çox müharibə veteranından 55-i təqdim edilən "Sizə Minnətdarıq" layihəsi çərçivəsində psixoloji dəstəkdən yararlanıb. Bununla yanaşı, müharibədə iştirak edən əməkdaşlara müharibə sonrası psixoloji sindromlarla bağlı peşəkar psixoloqlar tərəfindən "fərqindəlik seminarları" verilir.
"Müharibənin həyatımızdakı izləri" mövzusunda baş tutan seminarlara bu günə kimi şirkətin 229 əməkdaşı qatılıb. Seminarın nəticəsi olaraq, bugünədək onlardan 35 nəfəri psixoloji yardım almaq üçün müraciət edib.
Müraciət edən əməkdaşlar tərəfdaş psixologiya mərkəzinə yönləndirilərək, onların psixoloji diaqnostikası istiqamətində işlərə başlanıb. "Müharibənin həyatımızdakı izləri" adlı silsilə seminarlar davam edir.
Geri dön