Rusiya və İran arasında imzalanan müqavilənin bəndləri məlum olub
Dünən, 19:54. Yazar: sevinc1
Rusiya və İran arasında Strateji Tərəfdaşlıq Müqaviləsinə müdafiə sahəsində əməkdaşlıq haqqında bənd daxildir. Müvafiq mətn Kremlin rəsmi saytında yerləşdirilib.Sənəddə deyilir: “Əgər Razılığa Gələn Tərəflərdən biri təcavüzə məruz qalsa, digər Razılığa Gələn Tərəf təcavüzkara heç bir hərbi və ya digər yardım göstərməməlidir”.
Bundan əlavə, sazişi imzalayanlar “ictimai asayişin qorunması və ictimai təhlükəsizliyin təmin edilməsi, mühüm dövlət obyektlərinin mühafizəsi və silah dövriyyəsinə dövlət nəzarəti məsələlərində” əməkdaşlıq edəcəklərini öhdələrinə götürüblər.
Bundan əvvəl Rusiya prezidenti Vladimir Putin Moskva ilə Tehran arasında əldə olunan razılaşmanı sıçrayış adlandırmışdı. Onun sözlərinə görə, hər iki ölkə əldə etdikləri nailiyyətlərlə kifayətlənməmək və iki dövlət arasında münasibətləri keyfiyyətcə yeni səviyyəyə qaldırmaq istəyində birləşib.
aia.az
Tərcümə şöbəsi
Geri dön