Tərəqqinin yeni zirvəsi
Dünən, 19:17. Yazar: sevinc1
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Gədəbəy rayonu, Miskinli bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Gədəbəy rayon təşkilatının sədr müavini Zaur Mehdiyev bildirib ki, qarşıdan gələn bələdiyyə seçkilərində partiyanın üzvləri öz fəaliyyətlərini daha yüksək xidmətin təmin olunmasına yönəldəcəklər.
Görüşdə seçki qərargahının üzvləri Pərviz Bayramov, Tural Topçuyev, Rövşən Qasımov, Xəyyam Vəliyev və bələdiyyə üzvlüyünə namizədlər Rəşad Xamayev, Oktay Əliyev, Osman Quliyev, Elman Quliyev və Amin Həsənli YAP-ın bələdiyyə seçkiləri ilə əlaqədar seçki proqramından danışmaqla yanaşı, bu partiyanın Azərbaycanı tərəqqinin yeni zirvəsinə doğru apardığını vurğulayıblar.
Seçicilər bələdiyyə seçkilərində partiyanın namizədlərinə səs verəcəklərini vurğulayıblar.
Qeyd edək ki, YAP-ın Miskinli bələdiyyəsi üzrə namizədləri məhəllə görüşləri də keçiriblər.
Geri dön