Blinken və Ostin Rusiyanın Ukrayna ilə bağlı dilemmasından danışıblar
Dünən, 19:25. Yazar: sevinc1
Ukrayna hədəflərinə endirilən zərbələrə və Rusiya Silahlı Qüvvələrinin irəliləməsinə baxmayaraq, Rusiya prezidenti Vladimir Putin getdikcə daha çox “ağrılı dilemma” ilə üzləşir: minimal fayda üçün ağır itkilərə məruz qalmaq və ya münaqişəyə son qoymaq üçün Ukrayna ilə danışıqlar aparmaq. Bu sözləri Pentaqonun rəhbəri Lloyd Ostin və ABŞ-ın dövlət katibi Entoni Blinken “The New York Times”da dərc olunan məqaləsində deyiblər.
Onlar qeyd ediblər ki, Rusiya Silahlı Qüvvələri döyüş meydanında irəliləməkdə və Ukraynanın enerji obyektlərinə zərbələr endirməkdə davam etdiyi üçün Ukrayna indi çətin vəziyyətdədir. Buna baxmayaraq, Ostin və Blinkenin fikrincə, Qərbin Kiyevə hərbi yardımını artırdığı üçün Rusiya bundan yaxşı vəziyyətdə deyil.“İndi Putin getdikcə daha çox ağrılı dilemma ilə üz-üzədir: ya minimal qazanc üçün böyük itkilər versin, ya da münaqişəyə son qoymaq üçün Ukrayna ilə danışıqlara başlasın”, - deyə onlar mətndə sitat gətirirlər.
Daha əvvəl Ostin və Blikken ABŞ prezidenti Co Baydenin administrasiyasının seçilmiş Amerika lideri Donald Trampı Ukrayna böhranı ilə bağlı “təzyiq rıçaqları” ilə tərk etdiyini bildiriblər. Onlar onları saxlamağa, Ukraynaya yardımı davam etdirməyə və “təslim olmaq deyil, güclə sülhə” nail olmağa çağırıblar.
aia.az
Tərcümə şöbəsi
Geri dön