Mobil versiya
Vitse-spiker Milli Məclisə hücumdan danışdı: “Təxribatçılar erməniyə bərabərdir”
Tarix: 15-07-2020 | Saat: 17:21
Bölmə:Gündəm | çapa göndər

Vitse-spiker Milli Məclisə hücumdan danışdı:


"Əfsuslar olsun ki, sapı özümüzdən olan baltalar var. Neftin qiymətinin aşağı düşməsinə çırtma çalıb, sevinib-oynayanlar var. Görün, biz necə insanlarla bir ölkənin vətəndaşlarıyıq?!Bu cür insanlarla bir ölkədə yaşamaq olarmı?!”

Oxu.Az-ın xəbərinə görə, bunu Milli Məclis sədrinin müavini Adil Əliyev Tovuzun Ağdam kəndinin sakinləri ilə söhbətində deyib.

O,Bakıda Qarabağ mitinqləri zamanı bir sıra insanların Milli Məclisdə təxribat törətməsinə də münasibətini açıqlayıb.

Vitse-spiker qeyd edib ki, Azərbaycanın daxilində "beşinci kolona”xidmət edənlər olmasa, biz daha böyük uğurlara imza ata bilərik.
"Dünən xalqımızın ordumuza dəstəyi nümayiş etdirildi. Onların hərəkətinə maneə yaradılmadı. Xalqımız ötən gün bütün beynəlxalq aləmə sübut etdi ki, onlar hər zaman Azərbaycan əsgərinin yanındadır və Ali Baş Komandanın əmrini gözləyirlər”, - deyə o əlavə edib.

O təəssüf hissi ilə bildirib ki, ordumuza dəstək tədbirində təxribata əl atan qüvvələr də oldu.

"İnsanlar tapıldı ki, görülən işlərə kölgə salsınlar. Amma təxribatçıların arzuları ürəklərində qalacaq. Çoxluq ordumuzun tərəfindədir, çoxluq Azərbaycan şəhidinə hörmətlə yanaşırlar. Biz təxribatçı azlığı erməniyə bərabər tuturuq. Sağlıq olsun, biz onlara qarşı da mübarizə aparacağıq. Hüquq-mühafizə orqanları təxribatçılara qarşı tədbir görəcəklər”.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
18-03-2024