Mobil versiya
Könül Nurullayeva: Ordumuzun Ermənistana sarsıdıcı cavab zərbələri bundan sonra da davam edəcək
Tarix: 15-07-2020 | Saat: 14:39
Bölmə:Gündəm | çapa göndər

Könül Nurullayeva: Ordumuzun Ermənistana sarsıdıcı cavab zərbələri bundan sonra da davam edəcək


Ermənistanı narahat edən məsələlərdən biri də Azərbaycanın təşəbbüsü ilə beynəlxalq təşkilatların zirvə görüşlərinin keçirilməsi və ölkəmizin beynəlxalq nüfuzunun artmasıdır



«Ermənistan silahlı qüvvələrinin atəşkəs rejimini kobud şəkildə pozaraq dövlət sərhədinin Tovuz rayonu istiqamətində Azərbaycan silahlı qüvvələrinin mövqelərini atəşə tutması, yeni ərazilər əldə etmək cəhdi işğalçının növbəti təxribatıdır». Bu sözləri Milli Məclisin deputatı Könül Nurullayeva deyib. O qeyd edib ki, Ermənistan bu davranışlarla məhz üzv olduğu hərbi-siyasi təşkilatları öz təxribat planlarına cəlb etməyə çalışır: «Bununla regionun təhlükəsizliyinə təhdid yaradan işğal siyasətinin məsuliyyətindən boyun qaçırmağa can atır. Halbuki Ermənistanın bu təxribatları ilk növbədə təmsil olunduğu beynəlxalq qurumların hüquqi sənədləri ilə ziddiyyət təşkil edir.

Təbii ki, düşmənin bu dəfəki ərazi əldə etmək cəhdi də Azərbaycan Silahlı Qüvvələrinin çevik cavabı sayəsində boşa çıxıb. Təəssüf ki, Azərbaycan Ordusu 4 şəhid verib, Allahdan şəhidlərimizə rəhmət, yaralı hərbçilərimizə şəfa diləyirəm.»

Deputat xanım vurğulayıb ki, ümumiyyətlə, təcavüzkar ölkə tərəfindən dövlət sərhədinin hərbiləşdirilməsi və mülki insanların hədəfə alınması halları intensiv xarakter daşıyır. Bu vaxta qədər onlarla mülki şəxs erməni snayperinin qurbanı olub. Bu, ilk növbədə, beynəlxalq ictimaiyyəti narahat etməlidir. Amma təəssüf ki, beynəlxalq ictimaiyyətin bu məsələyə qeyri-adekvat reaksiyası erməni təxribatlarının davamlılığı ilə müşayiət olunmaqdadır. Budəfəki təxribatın pandemiya dövrünə təsadüf etməsi isə onu deməyə əsas verir ki, ölkədəki daxili-siyasi gərginliyin artdığı bir vaxtda rəsmi Yerevan diqqəti sosial problemlərdən yayındırmağa çalışır. Çünki, bu, Ermənistan rəhbərliyinin dəyişməz taktikasıdır. Özünü demokrat hesab edən, lakin artıq ölkəsində də diktator kimi qəbul edilən Paşinyan Sarkisyan rejiminin ənənəvi idarəçilik metodlarını təkrarlayır, mütəmadi olaraq daxili auditoriyanın diqqətini başqa səmtə yönəldir. Digər tərəfdən, bu təxribat xarakterli addımlar Ermənistan-Azərbaycan, Dağlıq Qarabağ münaqişəsinin danışıqlar yolu ilə həllinə də təsir edir. Açıq görünür ki, ciddi cəhdlə «status-kvo»nun saxlanmasına can atan işğalçı ölkə danışıqlar prosesini bu və ya digər şəkildə pozmağa çalışır. Bunu əslində separatçı Dağlıq Qarabağ rejiminin üçüncü tərəf kimi danışıqlar prosesinə qoşulmasına dair destruktiv cəhdlərin davamı kimi də dəyərləndirmək olar. Bu, həm də Nikol Paşinyanın BMT Baş katibinin pandemiya ilə bağlı qlobal atəşkəs təşəbbüsünü guya dəstəkləməsinin erməni baş nazirin növbəti imitasiyası olduğunu təsdiqləyir. Mövcud vəziyyət beynəlxalq ictimaiyyətdən, xüsusilə də ATƏT-in Minsk qrupundan Ermənistana öz yerini göstərməyi tələb edir».

Könül Nurullayeva sonda bildirib ki, iyulun 13-də Prezident İlham Əliyevin sədrliyi ilə Təhlükəsizlik Şurasının iclası keçirilib. İclasda cənab Prezident birmənalı olaraq bildirib: «Həlak olan hərbçilərimizin qisası alındı və onların qanı yerdə qalmayıb və qalmayacaq.»

Deputat xüsusi vurğulayıb ki, bu gün Azərbaycan Ordusu güclüdür və qısa dövr ərzində Ermənistanın bu təxriabıtına sarsıdıcı zərbələri davamlı olacaqdır. Eyni zamanda, bu gün cəmiyyətimizdə xalq-iqtiadar həmrəyliyi ermənilərə qarşı çox mühüm zərbə vasitəsidir.

K. Nurullayeva vurğulayıb ki, Ermənistanı narahat edən məsələlərdən biri də Azərbaycanın təşəbbüsü ilə beynəlxalq təşkilatların zirvə görüşlərinin keçirilməsi və ölkəmizin beynəlxalq nüfuzunun artmasıdır. Xüsusilə, Azərbaycanın təşəbbüsü ilə BMT Baş Assambleyasının xüsusi sessiyasının keçirilməsi barədə qərar qəbul edilməsi və bu təşşəbbüsün 130-dan çox ölkənin dəstəkləməsi Ermənistan hakimiyyətinin siyasi imicinə mənfi təsir etməkdədir.

Bundan başqa işğalçı ölkədə hökm sürən hərc-mərclik və vəziyyətin böhran həddinə çatması Ermənistan hakimiyyətinin ikili oynamağa vadar edib. Yəni məqsəd cəbhə xəttində müharibə şousu yaratmaqla erməni ictimaiyyətini hakimiyyətlə mübarizədən müvəqqəti də olsa uzaqlaşdırmaqdır. Artıq ermənilər yaxşı başa düşürlər ki, Ermənistan hakimiyyətinin vəd etdiyi dırnaqarası çiçəklənmə xülyadır, yalandır və bu hakimiyyət ölkəni iflasa sürüyür.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə