Mobil versiya
Bəxtiyar Hacıyev Ata Abdullayevin Paşinyanla görüşündən yazdı
Tarix: 21-11-2019 | Saat: 15:21
Bölmə:Karusel / Siyasət | çapa göndər

Bəxtiyar Hacıyev Ata Abdullayevin Paşinyanla görüşündən yazdı


Ötən həftə Fransada Ermənistanın baş naziri Nikol Paşinyanla bir beynəlxalq tədbirdə görüşən və ona sərt suallar ünvanlayan ictimai-siyasi fəal Bəxtiyar Hacıyev bu həftə Milanda Paşinyanın çıxış etdiyi kilsəyə daxil olaraq, onunla polemikaya girən Ata Abdullayevin hərəkətinə dair fikirlərini yazıb. Musavat.com B.Hacıyevin sosial mediada dərc olunmuş qeydlərini təqdim edir.

***

"Məncə, əlavə şərhə ehtiyac yoxdur. Bir balaca ağlı olan, prosesləri müşahidə edən insan üçün aydındır nə baş verir. "Bəxtiyar Hacıyev Paşinyana sual verdi, ictimaiyyət təqdir etdi, Bəxtiyarın qqarşısını almaq cəhdləri uğursuz oldu, hələ üstəlik İTV-yə çıxdı. Davay, göndərək Ata Abdullayevi, şüvən salsın, beləcə də bütün yaxşı şeylər kimi bu fəaliyyətlərin də içinə kaka edək, heç kim daha belə şeylər edib, özünü Ata ilə müqayisə etdirməsin". Kaka elədilər də.

Necə ki, yanvar-mart aylarında prezidentlə bağlı "islahatlara başlayıb" fikri yayılanda, 50-dən çox siyasi məhbus azadlığa buraxılanda birdən-birə Ata Abdullayev Vyanada prezidentin olduğu binaya düşdü, onunla fotosu çəkildi, dərhal da bütün tənqidçilərin inboxuna göndərildi ki, "bu da sizin islahatçınız" fikri yayılsın.

Mənə "Bəxtiyar gərək orada aqressiv olardı, Paşinyanı sual atəşinə tutub, moizəsini dinləməzdi, ona pas verdi" kimi mənasız iradlar bildirən ağzıgöyçəklər gördülər dünən "iş"lərinin nəticəsini. Haqqın.az məni tənqid edib, bu rüsvayçılığı manşet xəbər kimi verdi. Əgər mənimlə Paşinyan arasında söhbətdən sonra Paşinyan fırlanıb, gəlib, mənimlə görüşdüsə, gülərüz sağollaşdısa, auditoriyadakılar bizi sivil, mədəni, yeri gələndə qələm uzadaraq da olsa, incə jest edən xalq kimi tanıdılarsa, dünən bütün erməni saytları Ata timsalında Azərbaycan xalqını səviyyəsiz, ədəbsiz, tərbiyəsiz, şüvən xalq kimi təqdim etdi.

Nəhayət, Ata Paşinyana iki böyük pas atdı ki, Paşinyan Azərbaycanın eks prezidenti A.Mütəllibovun ağzından "Xocalı qətliamını özünüz törətmisiniz" desin və Azərbaycanın indiki prezidenti barədə "sizin prezidentinizin olduğu yerə erməni yaxınlaşıb, sual verə bilməz" fikrini səsləndirsin. Mən hələ işğalçı ölkə liderinə yalvarmağını, bu prosesi lentə almaq üçün dəridən-qabıqdan çıxmağını və başqa şeyləri demirəm.

Ata və onu ora göndərənlər dünən Azərbaycana, Azərbaycan xalqına, Azərbaycanın nüfuzuna və gələcəyimizə böyük bir zərbə vurdular. Onu və onun ağılda, mədəniyyətdə, əxlaqda olan adamları adam içinə çıxaranlar da elə o ağıldadır.

Bu gün on minlərlə gənclər layiq olduqları yerlərdə deyilsə, bu onların günahları deyil. Bu, bir çoxlarının layiq olduqları yerlərdən yuxarılarda olmasının nəticəsidir. Ata və onu ora göndərənlərin olduğu kimi".

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
18-03-2024