Mobil versiya
Azərbaycanda pensiya xərcləri artırılacaq
Tarix: 30-11-2016 | Saat: 13:19
Bölmə:Siyasət / Karusel | çapa göndər



“Dövlət Sosial Müdafiə Fondundan (DSMF) əmək pensiyalarının ödənilməsinə gələn il 3 milyon 213,82 min manat ayrılması nəzərdə tutulub”.

Bu barədə Maliyyə naziri Samir Şərifov büdcə ilə bağlı komitələrin birgə müzakirəsində bildirib.

Onun sözlərinə görə, pensiya xərcləri bu illə müqayisədə 2,5% və yaxud 77,72 milyon manat artacaq:

“Layihədə məcburi dövlət sosial sığorta haqları hesabına müavinətlər, xərclər 1,5% və yaxud 1,55 milyon manat artırılaraq 104,4 milyon manata, o cümlədən əmək qabiliyyətinin müvəqqəti itirilməsinə görə xərclər 2,7% və yaxud 600 min manat artırılaraq 22,6 milyon manata, hamiləliyə və doğuşa görə xərclər 2,2% və yaxud 600 min manat artırılaraq 28,1 milyon manata çatdırılacaq.

Bundan başqa, uşağın anadan olmasına görə xərclər 7,5% və yaxud 580 min manat azaldılaraq 7,2 milyon manata, 3 yaşına qədər uşaqlara qulluqla əlaqədar xərclər 2,3% və yaxud 300 min manat artırılaraq 13,4 milyon manata, dəfn üçün xərclər 9,9% və yaxud 1,7 milyon manat azaldılaraq 15,5 milyon manata, işsizliyə görə xərclər isə 15,3% və yaxud 2,33 milyon manat artırılaraq 17,6 milyon manata çatdırılıb”, - deyə o qeyd edib.



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024