Bakıda qəbristanlıq yandı
12-06-2016, 20:56. Yazar: admin
Bakının Yasamal qəbristanlığında yanğın baş verib.
Aia.az ANS TV-yə istinadən məlumatına görə, yanğın 500 kv.m sahəni əhatə edib. Hazırda yanğının söndürülməsi üçün yanğınsöndürənlər ərazidə iş aparırlar.
Yanğın təxminən saat 13:20-də baş verib. Qəbristanlıq işçilərinin sözlərinə görə, ərazidə belə yanğınlar tez-tez olur. Çox vaxt qəbir sahibləri ərazidə ilan olmaması üçün quru otları yandırırlar. Bu isə bir çox hallarda belə hadisənin miqyasıın böyüdür.
Yanğının qarşısını almaq üçün əraziyə Fövqəladə Hallar Nazirliyinin dövlət yanğından müzafizə xidmətinin Yasamal və Səbail rayon yanğından mühafizə bölmələrinin əməkdaşları cəlb ediliblər. Hüquq mühafizə orqanlarının nümayəndələri də əraziyə nəzarət edirlər.
Yasamal qəbristanlığında bundan əvvəl də bir neçə dəfə yanğın olub. Belə hadisələrdən biri də bir neçə ay əvvəl qeydə alınıb. Yanğın baş verən əraziyə Fövqəladə Hallar Nazirliyinin həm Yasamal, həm də Səbail bölməsindən yanğınsönsürən avtomobillər və çoxsayda canlı qüvvəsi cəlb olunub.
İlkin hesablama zamanı alovun iki hektardan çox əraziyə ziyan vurduğu məlum olub.
aia.az
Geri dön