Ana Sayfa > Dünya > Azərbaycanlı müğənnidən qəmgin notlar: "Xatirəm olacaq" - AUDİO

Azərbaycanlı müğənnidən qəmgin notlar: "Xatirəm olacaq" - AUDİO


4-05-2016, 09:55. Yazar: admin


Populyar estrada müğənnisi Murad Sadıx yeni mahnı ifa edib. Sözləri Nazim Zeynalova, musiqisi bəstəkar İmruzə Hüseynovaya məxsus olan bəstə "Xatirəm olacaq" adlanır.
Yaradıcılığı üzərində durmadan çalışan Murad, repertuarına daxil etdiyi mahnı barəsində oxucularımızı belə məlumatlandırdı: "Uzun illərdir İmruzə xanımla ailəliklə dostluq edirik. Bu bizim "Badamı gözlər" bəstəsindən sorna ikinci yaradıcı işbirliyimizdir. "Xatirəm olacaq" mahnısı qəmgin notlar üzərində yazılsa da, inanıram ki, bu ifam da yetərincə dinləyici marağına səbəb olacaq".
Müğənni onu da əlavə etdi ki, 8 il bundan əvvəl onu milyonlara tanıdan "Sevməsəm ölərəm" adlı hiti də, şən notlar üzərində yazılmayıb: "Vizit kartım olan "Sevməsəm ölərəm" bu gün də sevərək dinlənilir. "Xatirəm olacaq" mahnısını bu əsərin davamı kimi də adlandırmaq olar.
Bəstənin söz yazarı Nazim bəy şeirdəki bəzi sözləri mərhum atasının ruhuna ünvanlayıb. Allah dünyadan köçən cəmi valideynlərə rəhmət eləsin.Yaşayanlara isə uzun və sağlam ömür arzulayıram. Şəxsən mən əldə etdiyim bütün uğurlarımı göydə Allaha, yerdə atam və anama borculuyam.Valideyn dayağını hiss etdiyim üçün, hər zaman özümü güclü hiss edirəm".



Aia.az
Geri dön