Ana Sayfa > Seçilənlər-5 > Daha 4 qurum birləşdirilir - təfsilat

Daha 4 qurum birləşdirilir - təfsilat


3-05-2016, 12:11. Yazar: admin
Daha 4 qurum birləşdirilir - təfsilat

Daha 4 qurum birləşdirilirArzu Rəhimov Yavər Camalovun, Hicran Hüsenyov isə Elmira Süleymanovanın işçisi olacaqlar

Azərbaycan hökuməti bir sıra komitə və nazirliklərin birləşdirilməsi prosesini davam etdirmək niyyətindədir. Aia.az xəbər verir ki, indiyə qədər birləşdirilən bir çox dövlət qurumlarının eyni təyinatlı olması, hökuməti digər sahələrdə də anoloji addımlar atmasını zəruri edib.

Məlumatlarda vurğulanır ki, yaxın vaxtlarda daha bir neçə nazirliyin səlahiyyətləri və imkanları genişləndiriləcək. Bəziləri isə ləğv olunaraq, başqa qurumların tərkibinə veriləcək.

Məlumatlarda vurğulanır ki, hal hazırda Müdafiə Sənayesi Nazirliyi ilə Səfərbərlik və Hərbi Xidmət Çağırış üzrə Dövlət Xidmətinin birləşdirilməsi nəzərdə tutulub. Bu qurumların mahiyyət etibarı ilə eyni təyinatlı olması qənaəti var. Mənbələr bildirir ki, bununla bağlı hazırda hazırlıqlar görülür və yaxın vaxtlar üçün prosesin yekunlaşacağı gözlənilir.

Bundan başqa, daha iki qurumun birləşdirilərək, vahid ad altında fəaliyyət göstərməsi nəzərdə tutulub. Politika.Az xəbər verir ki, Ailə, Qadın və Uşaq Problemləri üzrə Dövlət Komitəsi ilə Ombudsmanın birləşdirilməsi də artıq qətiləşib. Bu iki qurumun birləşdirilməsində təkcə eyni təyinatlılıq deyil, həmçinin komitənin adının bir sıra qalmaqallarda hallanması da mühüm rol oynayıb. /Politika.Az/

Aia.az
Geri dön