Erməni əsgərin meyitini yük maşınında tapdılar
26-04-2016, 14:38. Yazar: admin
Araşdırma aparılır.
Ermənistan ordusunun başından güllə yarası almış hərbi qulluqçusunun meyiti respublikanın hərbi hissələrindən birində atəş mövqeyində tapılıb.
Aia.az Sputnik-ə istinadən xəbər verir ki, bu barədə Ermənistan İstintaq Komitəsi məlumat yayıb.
“25 aprel saat 20:15 radələrində respublikanın hərbi hissələrindən birində atəş mövqeyində müddətli hərbi qulluqçu Ovannes Petrosyana təhkim edilmiş QAZ-66 markalı yük maşınının yük yerində onun başından güllə yarası almış meyiti aşkarlanıb”, - deyə məlumatda bildirilir.
Baş vermiş hadisənin təfərrüatlarının aydınlaşdırılması üçün araşdırma aparılır.
Aia.az
Geri dön