Ana Sayfa > Gündəm / Aia TV / Karusel > İstirahət günü Azərbaycanda yağış, sulu qar və qar yağacaq

İstirahət günü Azərbaycanda yağış, sulu qar və qar yağacaq


6-02-2016, 13:12. Yazar: admin

Güclü şimal-qərb küləyi əsəcək.

İstirahət günü Bakıda və Abşeron yarımadasında buludlu hava şəraitinin üstünlük təşkil edəcəyi, səhər və axşam yarımadanın bəzi yerlərində yağış yağacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, sabah paytaxtda güclü şimal-qərb küləyi əsəcək.

Havanın temperaturu Abşeron yarımadasında gecə 3-5, gündüz 5-7 dərəcə isti, Bakıda gecə 3-5, gündüz 5-7 dərəcə isti olacaq.

Azərbaycanın rayonlarında hava şəraitinin arabir yağıntılı olacağı, bəzi yerlərdə sulu qar, qar yağacağı, ayrı-ayrı yerlərdə intensiv olacağı ehtimalı var. Qərb küləyi ayrı-ayrı yerlərdə arabir güclü olacaq.

Havanın temperaturu gecə 2-6, gündüz 6-10, dağlarda gecə və gündüz 2-6 dərəcə isti olacaq.
Geri dön