Ana Sayfa > Ölkə > Texnologiyadan ehtiyacın qədər istifadə et!

Texnologiyadan ehtiyacın qədər istifadə et!


23-05-2019, 16:46. Yazar: sevinc1
Texnologiyadan ehtiyacın qədər istifadə et!


Azərbaycan Respublikasının Prezidenti Yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi və "Könüllülük Fəaliyyətinin Təbliği” Gənclər ictimai birliyinin təşkilatçılığı ilə "Uşaqların internet informasiya resurslarından düzgün istifadəsi ilə bağlı tədbirlərin təşkili” layihəsinin icrasına start verilmişdir. Belə ki layihə çərçivəsində ilk tədbir 23 may 2019 tarixində Sumqayıt şəhərinin 25 və 28 saylı orta ümumtəhsil müəssisələrində həyata keçirilib.

aia.az xəbər verir ki, tədbirdə açılış çıxışı edən "Könüllülük Fəaliyyətinin Təbliği” Gənclər ictimai birliyinin əməkdaşı İsmət Əmrahov layihənin məqsədi ve hədəfləri haqqında danışaraq qeyd etti ki, internetin və texnologiyanın insan həyatına gətirdiyi saysız-hesabsız faydaları var. Lakin hər kəs texnologiyadan düzgün istifadə edə bilmir. Dünya üzərində aparılan araşdırmalar göstərir ki, 6-15 yaş arasındakı uşaqların 79,5 %-i internetdən oyun oynamaq və əylənmək məqsədi ilə istifadə edir. Bu isə onların internet aludəçiliyi deyilən sindromla üzləşdiklərindən xəbər verir.

Təlimçi Şəbnəm Əliyeva çıxış edərək aludəçiliyin fəsadları, internet və texnologiya aludəçiliyinin insan psixologiyasına mənfi təsirləri, informasiya texnologiyalarından düzgün istifadə qaydaları, sosial şəbəkələrdən şüurlu istifadənin yolları, informasiya texnologiyalarından və internetdən istifadə zamanı vaxtın düzgün idarə olunması və internetdən milli dəyərlərimizin düzgün təbliğat vasitəsi kimi istifadə olunması mövzularında iştirakçılara ətraflı məlumat verib.

Tədbir iştirakşılarına layihə çərcivəsində hazırlanmış "Texnologiyadan ehtiyacın qədər istifadə et” kitapçası, buklet, qələm və bloknot hədiyyə edilib.

aia.az








Geri dön