Azərbaycanlı dünya çempionu keçmiş arvadına cinayət işi açdırdı
30-04-2019, 16:28. Yazar: sevinc1
Bir neçə ay əvvəl kikboks millisinin baş məşqçisi Anar Süleymanovun həyat yoldaşı Şamama Məmmədovanı döyməsi barədə məlumat yayılmışdı.
Həmin vaxt Anar Süleymanov Nərimanov Məhkəməsi tərəfindən həbs edilərək 20 gün müddətinə həbsxanaya salınmışdı.
aia.az-ın News24.az-a istinadən məlumatına görə, bu dəfə isə Anar Süleymanovun şikayəti əsasında onun keçmiş həyat yoldaşı Bayramova Şamama Mehman qızı barəsində cinayət işi açılıb.
Belə ki, bir vaxtlar idmançı kimi Anarın tələbəsi olan və daha sonra onunla evlənən qadın barəsində Cinayət Məcəlləsinin 147-ci, yəni böhtan atma maddəsi ilə iş açılıb. İşlə bağlı materiallar Nərimanov rayon Məhkəməsinə göndərilib və hakim Hafiz Kamranovun icraatına verilib. Məlumata görə, fevralın 13-də Anar Süleymanovun Nəriman Rayon Məhkəməsinin qərarı ilə iyirmi günlük həbs cəzasının müddəti başa çatıb.
Qeyd edək ki, Anar Süleymanov budo döyüş növü üzrə üç dəfə dünya çempionu olub, bir dəfə Dünya Kubokunu qazanıb. O, budo üzrə idman ustasıdır və universal döyüş üzrə iki dəfə Avropa üçüncüsü, kunq-fu üzrə Avropa çempionu olub.
aia.az
Geri dön