Belarus liderindən Paşinyana İTTİHAM: “Problemi o yaradıb”
14-12-2018, 15:56. Yazar: sevinc1
“Kollektiv Təhlükəsizlik Müqaviləsi Təşkilatının Baş katibini hələ də seçə bilməməyimiz biabırçılqıdır”.
Modern.az xəbər verir ki, bu barədə Belarus prezidenti Aleksandr Lukaşenko jurnalistlərə açıqlamasında deyib. O yaranmış böhranda Ermənistan baş naziri Nikol Paşinyanı ittiham edib.
“KTMT-ın Baş katibi postuna təqaüdçüləri deyil, gənc, istedadlı generalları təyin etmək lazımdır. Baş katibin seçilməsi ilə bağlı həngaməni Nikol Paşinyan yaradıb. O mənə telefonla zəng edəndə “Xaçaturovu nə üçün siyasi motivlərlə həbs etdin. Mən siyasi motivlər əsasında həbsləri dəstəkləmirəm”-deyə ona dedim.
Avrasiya İttifaqı liderlərinin Sankt-Peterburq sammiti barədə də danışan Lukaşenko həmin görüşdə özünün, Putinin və Nursultan Nazarbayevin Paşinyana eyni sualı verdiklərini xatırlayıb.
“Nə üçün o Xaçaturovun həbsi barədə vacib qərarı verəndə bizimlə məsləhətləşmədi? Axı, problemi biz yox, Paşinyan yaradıb”.
aia.az
Geri dön