Ana Sayfa > Karusel / Gündəm > Əfv edilən məhkum: "Prezident məni balalarıma qovuşdurdu"

Əfv edilən məhkum: "Prezident məni balalarıma qovuşdurdu"


25-05-2018, 09:59. Yazar: sevinc1
Əfv edilən məhkum: "Prezident məni balalarıma qovuşdurdu"


"Cənab Prezident İlham Əliyev imzaladığı əfv sərəncamı ilə məni balalarıma qovuşdurdu".

Bunu Trend-ə əfv edilən qadın məhkum Gündüz Babayeva deyib.

G.Babayeva əfv olunduğuna görə çox sevindiyini bildirib: “Cənab Prezident İlham Əliyevə minnətdaram ki, bizə bu sevinci yaşatdı, məni balalarıma qovuşdurdu. Dövlət başçımıza çox təşəkkür edirəm”.

O, qadınlara heç zaman cinayət əməlinə yol verməməyi tövsiyə edib: “Bir daha belə səhvə yol verib cinayət törətməyəcəyəm. Qadınlara da tövsiyəm odur ki, heç zaman cinayət əməlinə yol verməsinlər. Qadının yeri cəzaçəkmə müəssisəsi deyil, ailəsinin, uşaqlarının yanıdır”.

Qeyd edək ki, Prezident İlham Əliyev məhkum edilmiş bir sıra şəxslərin Azərbaycan Xalq Cümhuriyyətinin 100 illiyi münasibətilə əfv olunması haqqında sərəncam imzalayıb. Əfv sərəncamı ümumilikdə 634 nəfərə şamil olunub.

aia.az
Geri dön