Səudiyyə kralı futbolçu Məhəmməd Salaha Məkkədə torpaq sahəsi bağışladı
25-04-2018, 11:10. Yazar: admin
Səudiyyə Ərəbistanının kralı Salman bin Əbdüləziz Al Səud misirli futbolçu Məhəmməd Salaha böyük jest edib.
aia.az Azərtac-a istinadən xəbər verir ki, İngiltərənin “Liverpul” klubunda oynayan Məhəmməd Salaha cari mövsümün ən yaxşı oyunçusu seçildiyi üçün müsəlmanların müqəddəs şəhəri Məkkədə torpaq sahəsi hədiyyə edilib. Bu haqda Məkkə şəhərinin bələdiyyə rəisi Faxd ar-Rouki bildirib. O qeyd edib ki, bu hədiyyə, eyni zamanda, futbolçuya müsəlman gənclərinə yaxşı örnək olduğu üçün verilib.
Qeyd edək ki, 25 yaşlı Salah Peşəkar Futbolçular Assosiasiyasının qərarı ilə İngiltərə çempionatının ən yaxşı oyunçusu seçilib. Hücumçu 33 oyunda 31 qol vurub, 9 məhsuldar ötürmə verib.
aia.az
Geri dön