"Biz burda Pərvini parçalayacaqdıq"
3-06-2017, 11:20. Yazar: admin
Rejissor Kənan M.M.-in "Maşın" şouda dediyi "Mən getsəm, burada Pərvini parçalayacaqlar" sözləri qalmaqal yaradıb.
AİA.Az axşam.az-a istinadən bildirir ki, yarışmada iştirak edən aktyor Sərxan Kərəmoğlu Kənanı ələ salaraq bunları deyib:
"Səidə uzun illərin dostudur. Sənət aləmində az xidməti olmayıb. Dedi ki, kişilərdən heç kim dəstək olmasın. Bu xanım özü tək vuruşmaq istəyir. Kənan durub Səidənin getməsi üçün səs istəyir. Qızlardır da, qoy qırışsınlar. İmkan varsa, qoy özləri səs toplasın. Dünən Kənan getsəydi, biz burda Pərvini parçalayacaqdıq. Biz adamyeyən deyilik. Qurban olum, qoymayın Pərvin getsin. Burada belə çıxır ki, Səidə səs toplasa və Pərvin getsə, Kənan bizi öldürəcək. Kənan bizi burada parçalayacaq".
Digər iştirakçı aktyor İslam Mehrəliyev S.Kərəmoğlunun sözlərinə etiraz bildirib:
"Deyirsən kişiyik, qadına qarışmayın. Qadın yarışmasıdırsa, qadınları yığsınlar".
S.Kərəmoğlu isə ona "30 ildir səhnədəyəm. 3 ildir səhnədəsən, mənim qarşımda oynama" cavabını verib.
AİA.az
Geri dön