Ana Sayfa > Təhsil / Aia TV / Karusel > Tərtərdə ”Gənclərin seçki aktivliyinin yüksəldilməsi” mövzusunda tədbir keçirilib

Tərtərdə ”Gənclərin seçki aktivliyinin yüksəldilməsi” mövzusunda tədbir keçirilib


18-10-2015, 14:21. Yazar: admin


Oktyabırın 17-də “Vətənpərvər Maarifçi Gənclər” İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirdiyi “Gənclər, seçkilərə! – cəbhə bölgəsində gənclərin seçki aktivliyinin yüksəldilməsi” layihəsi çərçivəsində Tərtər şəhər Gənclər Mərkəzində maarifləndirmə tədbiri təşkil edibir

Rayon gənclərinin iştirakı ilə keçirilən tədbirdə “Vətənpərvər Maarifçi Gənclər” İctimai Birliyinin təlimçiləri Fərhad Fəttahlı və Ceyhun Abbasov çıxış edərək, layihə haqqında məlumat vermiş, bildirmişlər ki, layihənin keçirilməsində əsas məqsəd cəbhəyanı rayonlarda yaşayan gənclər arasında demokratik seçki təbliğatı və maarifçilik işi aparmaqla demokratiyanın, vətəndaş cəmiyyətinin ümumi inkişafına nail olmaq, mülki cəmiyyətin, hüquqi dövlətin formalaşmasına kömək etmək, gənclərdə seçkilər haqqında geniş səpkili bilik və informasiyaların toplanmasına çalışmaq, onlarda seçki aktivliyini və mədəniyyətini formalaşdırmaq, seçkilərə olan etinasızlığının, absentizmin qarşısını almağa nail olmaqdır.

Tədbirdə iştirak edən Tərtər Rayon İcra Hakimiyyəti başçısının müavini Elvin Umudov çıxış edərək seçicinin hüquq və vəzifələri, seçki prosesində iştirak etmək üçün lazım olan prosedur qaydalar, seçkidə müşahidəçi kimi iştirak etmək hüququ, müşahidəçilərin hüquq və vəzifələrindən danışıb, gəncləri noyabrın 1-də keçiriləcək parlament seçkilərində fəal olmağa çağırmışdır.

Tədbir iştirakçılarına mövzu ilə bağlı maarifləndirici materiallar və sertifkatlar paylayıblar.
Geri dön