Ana Sayfa > İqtisadiyyat / Karusel > İqtisadiyyat Nazirliyi: “Yumurta ucuzlaşıb, unun da qiyməti düşəcək”

İqtisadiyyat Nazirliyi: “Yumurta ucuzlaşıb, unun da qiyməti düşəcək”


14-02-2017, 16:41. Yazar: admin
İqtisadiyyat Nazirliyi: “Yumurta ucuzlaşıb, unun da qiyməti düşəcək”

İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti istehlak bazarına nəzarət tədbirlərini davam etdirir, daha çox tələb olunan istehlak malları üzrə təhlillər aparılır.

Bu barədə İqtisadiyyat Nazirliyindən AİA.az-a verilən məlumatda bildirilib. Qeyd edilib ki, aparılan monitorinqlər göstərir ki, yumurtanın satış qiyməti bu ilin 1 yanvarına nisbətən 25%-dək azalıb. Hazırda yumurtanın satış qiyməti 12-15 qəpik arasında dəyişir.

Bununla yanaşı, son günlər unun da ucuzlaşması müşahidə olunur.

İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti intensiv nəzarət tədbirlərini davam etdirir və xəbərdarlıq edir ki, süni qiymət artımına və sui-istifadə hallarına yol verən təsərrüfat subyektləri barədə qanunvericilikdə nəzərdə tutulmuş ciddi tədbirlər görüləcək.

AİA.az
Geri dön