Ana Sayfa > Karusel, Səhiyyə > Yevlaxdakı qəza zamanı xəsarət alan şagirdlərdən biri beyin əməliyyatı olundu

Yevlaxdakı qəza zamanı xəsarət alan şagirdlərdən biri beyin əməliyyatı olundu


12-03-2018, 11:09. Yazar: admin
Yevlaxdakı qəza zamanı xəsarət alan şagirdlərdən biri beyin əməliyyatı olundu


Yevlax rayonu ərazisində baş verən yol qəzası nəticəsində ağır xəsarət alaraq Mingəçevir Şəhər Mərkəzi Xəstəxanasına yerləşdirilən 5 nəfərdən 4-nün vəziyyəti stabilləşib.

Bu barədə Trend-ə İcbari Tibbi Sığorta üzrə Dövlət Agentliyindən məlumat verilib.

Məlumata görə, xəsarət alanlardan 4 nəfərin vəziyyəti normaldır:

"1 nəfərin vəziyyəti ağır olaraq qalır. Buna səbəb isə həmin xəstənin beyin nayihəsindən əməliyyat olunmasıdır. Əməliyyata görə xəstənin vəziyyəti hələ də ağır qiymətləndirilir".

Xatırladaq ki, martın 11-də səhər saat 9:00 radələrində Bakı-Qazax avtomobil yolunun Yevlax rayonu ərazisindən keçən hissəsində QAZ-53 markalı yük avtomobili ilə eyni istiqamətdə hərəkətdə olan Ford Tranzit markalı mikroavtobus toqquşub.

Toqquşma nəticəsində mikroavtobusda olan 20 sərnişin xəsarət alıb. Onlardan 15 nəfəri Yevlax rayon Mərkəzi Xəstəxanasında ilkin tibbi yardım göstərildikdən sonra evə buraxılıb, 5 nəfərin vəziyyəti ağır olduğundan isə onlar Mingəçevir şəhər Mərkəzi Xəstəxanasına yerləşdirilib.

aia.az
Geri dön