Mobil versiya
Azadlığa buraxılan məhkumun sevincdən ürəyi getdi – Azərbaycanda
Tarix: 19-09-2018 | Saat: 16:15
Bölmə:Karusel / Gündəm | çapa göndər

Azadlığa buraxılan məhkumun sevincdən ürəyi getdi – Azərbaycanda




Bakı Ağır Cinayətlər Məhkəməsində ehtiyatsızlıqdan zərərçəkmişin ölümünə səbəb olmaqda təqsirləndirilən 1988-ci il təvəllüdlü Elman İbrahimovun cinayət işi üzrə növbəti məhkəmə iclası başa çatıb.

aia.az Report-a istinadən xəbər verir ki, hakim Samir Əliyevin sədrliyi ilə keçirilən prosesdə hökm oxunub.

Məhkəmənin hökmü ilə E.İbrahimova bəraət verilib.

Məhkəmənin bəraət qərarını eşidən E.İbrahimov özündən gedib. Daha sonra onu ayıldıblar. E.İbrahimov məhkəmə zalından azadlığa buraxılıb.

İttiham aktına əsasən, hadisə Bakıda inzibati qaydada saxlanılanların Müvəqqəti Saxlanma Yerində baş verib. E.İbrahimov onunla birgə saxlanılan Çingiz Xəlilovla dava edərək onu döyüb, xəstəxanaya yerləşdirilən Ç.Xəlilov orada ölüb.

Amma E.İbrahimov bununla razılaşmır, heç kimi öldürmədiyini deyirdi.

Qeyd edək ki, E.İbrahimov Cinayət Məcəlləsinin 126.3-cü (qəsdən sağlamlığa ağır zərər vurma; zərərçəkmişin ölümünə səbəb olduqda) maddəsi ilə təqsirləndirilirdi.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə