Mobil versiya
Məleykə Əsədova ilə Ramiz Məlikin məhkəməsindən: “Yalansa sənin...”
Tarix: 14-05-2018 | Saat: 17:40
Bölmə:Karusel / Aia TV | çapa göndər

Məleykə Əsədova ilə Ramiz Məlikin məhkəməsindən: “Yalansa sənin...”


Xalq artisti Məleykə Əsədovanın xalq artisti Ramiz Məlikə qarşı məhkəmə qərarından verilən apellyasiya şikayəti üzrə məhkəmə davam edib.



aia.az Lent.az-a istinadən xəbər verir ki, Bakı Apellyasiya Məhkəməsində hakim Etibar Nəbiyevin sədrliyi ilə keçirilən prosesdə Məleykə Əsədova çıxış edib. O qeyd edib ki, Ramiz Məlik mətbuatda onu təhqir edib: "Ramiz müəllim böyüklük göstərsəydi, gəlib mənim "şortik" geyinməyimlə bağlı özümə deyərdi. Lakin o, bu haqda fikirlərini sosial şəbəkədə yayıb. Ramiz Məlik məni mətbuatda alçaldıb, təhqir edib”.



M.Əsədovanın vəkili Ceyhun Yusifov da çıxışında bildirib ki, R.Məlikdən 200 min manat təzminatın tutulmasını və mətbuatda təkzib verməsini istəyib.



R.Məlik isə çıxışında deyib ki, evdə olmayan zaman M.Əsədova zəng edib, onun ailəsini təhqir edib.



M.Əsədova isə onun dedikləri ilə razı olmadığını, R.Məlikin yalan danışdığını qeyd edib: "Yalansa Allah sənin evini yıxsın".



R.Məlikin vəkili Türkel Süleymanlı çıxışında söyləyib ki, müvəkkili heç bir KİV-ə müsahibə verməyib. O, qarşı tərəfin iddiasının təmin edilməməsini istəyib.



Məhkəmə kollegiyasının qərarına əsəsən, M.Əsədovanın apellyasiya şikayəti qismən təmin edilib. R.Məlik M.Əsədov barədə dedikləri ilə bağlı mətbuatda təkzib verməli və 1000 manat pul ödəməlidir.



Qeyd edək ki, M.Əsədova həmkarı R.Məlikin onun şərəf və ləyaqətini təhqir etdiyini iddia edib. O, Nəsimi Rayon Məhkəməsinə müraciət edərək həmkarından 200 min manat məbləğində təzminat istəyib.

R.Məlikin vəkili Türkel Süleymanlı da məhkəmədə qarşılıqlı iddia qaldırıb. O, M.Əsədovanın müvəkkilini təhqir etdiyini və buna görə 300 min manatlıq iddia qaldırdıqlarını söyləyib. Nəsimi Rayon Məhkəməsinin qərarına əsasən, hər iki iddia təmin edilməyib.

Qərardan narazı qalan hər iki tərəf apellyasiya şikayəti ilə Bakı Apellyasiya Məhkəməsinə müraciət edib.

aia.az



Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə