Mobil versiya
ATU Universal Elmi Təhsil və Tədqiqat Şəbəkəsi ilə əməkdaşlığa başlayır - FOTOLAR
Tarix: 20-05-2019 | Saat: 06:30
Bölmə:Təhsil | çapa göndər

ATU Universal Elmi Təhsil və Tədqiqat Şəbəkəsi ilə əməkdaşlığa başlayır




Azərbaycan Tibb Universiteti (ATU) Tədris Terapevtik Klinikasında Azərbaycanda ilk dəfə olaraq “İmmunpatoloji xəstəliklərə dair I beynəlxalq elmi-praktik konfransı işə başlayıb. Konfrans çərçivəsində xarici ölkələrdən gələn mütəxəssislərlə ATU rəsmiləri arasında görüş keçirib.

ATU-nun elmi işlər üzrə prorektoru Rauf Bəylərov qonaqları universitet rektoru professor Gəray Gəraybəyli adından salamlayaraq, ilk immunoloji konfransın işinə uğurlar dilədi. R.Bəylərov immonologiya kimi vacib sahədə daha sıx və daimi əməkdaşlığın olmasını arzuladı. Prorektor R.Bəylərov Tibb Universitetinin 90 ilə yaxın tarixi, mövcud təhsil sistemi, geniş maddi və texniki bazaya malik olan klinikaları haqqında qonaqlara ətraflı məlumat verdi.

Qonaqlarla söhbət zamanı Azərbaycanda immunologiya sahəsindəki mövcud vəziyyət, bu sahədəki inkişaf perspektivləri, təşkil olunan seminarın qarşılıqlı əlaqələrin güclənməsinə töhfəsi və digər məsələlər müzakirə olundu.

Görüş zamanı Azərbaycan Tibb Universiteti ilə Universal Elmi Təhsil və Tədqiqat Şəbəkəsi (UETTŞ) arasında anlaşma memorandumu imzalandı. Memorandum UETTŞ-in təsisçi prezidenti, professor Nima Rezai və Rauf Bəylərov tərəfindən imzalandı. Professor Nima Rezai ATU ilə əməkdaşlığa başlanmasından məmnunluğunu bildirdi.

Görüşdə ATU-nun beynəlxalq əlaqələr üzrə prorektoru Orxan İsayev, II Uşaq xəstəlikləri kafedrasının müdiri, professor Amaliya Əyyubova, ATU-nun Allerqologiya və immunologiya kafedrasının müdiri professor Lalə Allahverdiyeva və həmin kafedranın professoru Gülnarə Nəsrullayeva iştirak edirdilər.

aia.az





Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
19-03-2024