Mobil versiya
19 yaşayış məntəqəsini birləşdirən yol inşa edilir – FOTO + VİDEO
Tarix: 10-10-2016 | Saat: 16:44
Bölmə:Gündəm | çapa göndər



Ümumilikdə 175 min m2 ərazinin asfaltlanması nəzərdə tutulub.

Saatlı rayonunun Saatlı-Sarıcalar-Qara Nuru-Şirinbəyli-Fətəlikənd-Azadkənd avtomobil yolunun tikintisi ilə bağlı Azərbaycan Respublikası Prezidentinin Sərəncamına uyğun olaraq, “Azəravtoyol” ASC tərəfindən inşaat işləri davam etdirilir.

“Sözügedən avtomobil yolu torpaq və çınqıl örtüklü olduğu üçün xüsusən payız-qış mövsümündə vətəndaşların gediş-gəlişində problemlər yaşanırdı. Hazırda bu problemin aradan qaldırılması istiqamətində texnoloji ardıcıllığa riayət olunmaqla işlər aparılır.

Adıçəkilən avtomobil yolunun uzunluğu 39 km-dir. Artıq yolun 10 km-də işlər yekunlaşıb, hazırda digər 29 km-lik hissədə tikinti davam etdirilir. Ümumilikdə 175 min m2 ərazinin asfaltlanması nəzərdə tutulub.

Tikinti işləri bitdikdən sonra hərəkətin normal təşkili üçün zəruri olan yerlərdə yol nişanları quraşdırılacaq, yolun üfiqi nişanlama xətlərinin çəkilişi işləri aparılacaq”, - deyə “Azəravtoyol” ASC-dən bildirilib.

Qurumdan həmçinin qeyd edilib ki, yolun tikintisi 51 mindən çox əhalinin yaşadığı 19 yaşayış məntəqəsini birləşdirərək yük və sərnişin daşımasını xeyli yaxşılaşdıracaq, yetişdirilən məhsulların rahat şəkildə rayon mərkəzlərinə daşınmasına imkan yaranacaq.








Məlumatlanmaq üçün Facebook səhifəmizi


Xəbəri paylaş


Digər xəbərlər



Xəbərə şərh yaz
Ad və soyad:*
E-Mail:
Şərhiniz:
Kodu yazın: *
yenilə, əgər kod görünmürsə
28-03-2024